Skip to main content

panahong pabagu-bago*


tulad ng mga ulap
lumalakad, bumibigat
nagdadala ng kulog at kidlat
di mapigilan ang poot
walang pagkalma ang nadarama
patuloy ang siklo
papatak ang luha
babagsak ang ulan
maghahasik ng galit ang langit
ngunit di mapapawi ang panibugho
mananatili
bukas muli
magdidilim
salat sa pag-asa
lubhang kaunti ang liwanag
di napawi ang sakit
paulit-ulit
maya't maya
inaaliw lamang kunwari
subalit walang lunas
panahon ang gamot
panahon ang sagot
panahong pabagu-bago
umaaraw, bumabagyo
lumilipas, kumakaripas
nawa, bukas
di na ko iiyak

*para kay carla
July 12, 2010

Comments

  1. carlacapuno1:39 AM

    hay, malapit nang mag-isang taon, di ba sir jes? ;)

    ReplyDelete

Post a Comment

Popular posts from this blog

STAINLESS LONGGANISA (Isang Suring Libro)

"Ito ang Stainless Longganisa, mga kwento ng nagtataeng ballpen sa kahalagahan ng pagbabasa, pag-abot ng mga pangarap, at tamang praan nG pagsususlat," Sadyang napakahirap ilarawan ang nilalaman ng ikalimang aklat ni Bob Ong. Hindi ito pumayag magpakahaon, tulad ng naunang apat na libro, sa tradisyunal na paraan ng pagsusulat. Gaya ng inaasahan, litaw na litaw pa rin ang tila estilong postmodern ng awtor sa pagkakabit-kabit ng wika, pagdudugtung-dugtong ng istorya, pagsasama-sama ng impormasyon, seryosong pananaw, at kakaibang eksibisyon ng humor na hinding-hindi kailangang manlimos ng tawa. Nangingibabaw sa nakalimbag na mga letra ang eksaytment ng may-akda sa paglalahad ng panibago niyang obra—pinag-isipan, pinagpaguran, at pinagbuhusan ng kaalaman—na malaya ang mambabasang unawain o pintasan o tangkilikin o ibasura, ni hindi humihingi ng paumanhin. Heto ang nais kong sabihin at ibahagi, bahala ka kung tatanggapin mo, waring binabanggit ni Bob Ong sa kanyang mambabasa. ...
Post a Comment
Read more

Lubi-Lubi (2006 Rebyu)

KAAKIBAT NA NG PAGSALUBONG SA BAGONG TAON ang pagbabalik-tanaw sa mga nagdaang pangyayari sa nakalipas na labindalawang buwan. Ang nakaraan ay nakaraan na, subalit maraming leksyon ang maaaring mapulot at nawa’y matutunan natin mula rito. Bago natin sulyapan ang mga nag-aabang sa hinaharap, halina’t balikan muna natin ng lingon ang ilang mga kaganapang naging bahagi ng buhay natin sa taong 2006. Samahan ninyo akong gawin ito sa saliw ng awiting Lubi-Lubi. ENERO - Sa maniwala kayo’t sa hindi, nagbukas ang taon na napakaugong na ng isyung Charter Change na isinusulong ng administrasyon ni Pangulong Gloria Macapagal-Arroyo. Panukala na noon pa man ang senaryong No Election sa 2007 upang bigyang-daan ang Cha-cha sa kondisyong bababa sa pwesto si GMA bago mag-2010. Sa buwan ding ito pinahanga ng Pinoy boxer na si People’s Champ Manny “Pacman” Pacquiao ang buong mundo nang pabagsakin sa ikasampung round ng laban nila ang Mehikanong si Eric “El Terrible” Morales noong Enero 22 sa Las Ve...
Post a Comment
Read more